Москвада чак түштө Кыргызстандын жаранын карактап кетишти. Бул тууралуу россиялык ММКлар жазды.
Маалым болгондой, окуя Москванын түштүк-батыш бөлүгүндө болгон. Россиялык айрым ММКлар укук коргоо органдарындагы өздүк булактарына таянып жазгандай, кол салуу бирөөнүн көрсөтмөсү менен болуп, алдын ала даярдалган.
Кыргызстандын жараны банктан чыгып келе жатканда, куралчан эки адам ал тарапка ок чыгарып, 100 миң доллар салынган сумканы алып кеткен. Бул окуядан жараат алгандар жок экени кабарланууда.
Учурда полиция кызматкерлери кылмышкерлерди издөөдө.
Эске салсак, жакында эле москванын “Домодедово” аэропортунда кыргызстандык эки жарандын ири суммасын белгисиз адамдар карактап кетишкен.
