SuperTV телеканалынын сабалган кабарчысы Бактурсун Жоробеков Бишкектеги №4 ооруканага жаткырылды. Бул тууралуу редакция өзү жазып чыкты.
«№4 Бишкек шаардык ооруканасынын травматология бөлүмүндө жатам. Дарыгерлер баш мээмдин чайкалганын билдиришти. Алар көзүмдө да жаракат бар экенин, азырынча беттеги шишиктерди таратуу керектигин айтышты»,- деген ал.
Эскерте кетсек, буга чейин SuperTV телеканалынын кабарчысын 4 жаран сабап кеткен. Учурда жабырлануучу милицияга арыз жазып, шектүүлөр изделүүдө.
