Кыргыз Республикасынын Instagram социалдык тармагында расмий баракчасы пайда болду. Бул тууралуу Туризмди өнүктүрүү фондунун басма сөз кызматы билдирди.
Барак Visit Kyrgyz Republic деп аталды. Ал 1-сентябрда ишке киргизилген.
«Бир жарым ай бою ага дүйнөнүн ар кайсы өлкөлөрүндөгү миңдеген адамдар жазылышты. Кыргыз элинин ажайып жаратылышы, тарыхый бай мурастары, үрп-адаттары – мунун баары басылмаларда чагылдырылган. Алардын ичинен башка мамлекеттердин жашоочулары гана эмес, Кыргызстандын эли да биздин кооз өлкө тууралуу көп нерселерди биле алышат. Кыргыз Республикасынын табияты ушунчалык суктандыргандыктан, адам таң калып, бул кооздукту өз көзү менен көрүүгө умтула алат», – деп билдирди Фонд.
Бул баракчада туристтер үчүн лайфхактар жана жаңы кызыктуу жерлер тууралуу маалыматтар жарыяланат. Барактын жазылуучулары Кыргызстанда саякаттап жүргөндө тартылган сүрөттөрдү жана видеолорду жөнөтө алышат.
