Жайыл районундагы жол кырсыктан бир адам каза болуп, төртөө жабыркады

Жайыл районундагы жол кырсыктан бир адам каза болуп, төртөө жабыркады. Бул тууралуу ӨКМдин басма сөз кызматы билдирди.

Маалыматка караганда, жол кырсык Бишкек —Ош унаа жолунун 84-чакырымында МАN жана “Мерседес-Бенц Гигант” оор жүк ташуучу унаалары сүзүшкөн. Кырсыктын кесепетинен 1983-жылы туулган С.К. аттуу эркек киши каза болуп, 4 эркек киши жабыркаган (Алар —  2000-жылы туулган С.А., Ш. уулу Т., А.У. жана 2007-жылы туулган К.Б. аттуу өспүрүм).

Куткаруучулар каза болгон кишинин сөөгүн унаадан чыгарып тез жардам кызматкерлерине өткөрүп беришкен. Жабыркаган жарандарды тез жардам кызматкерлери алып кеткен. 3 куткаруучу тартылган.