Эске салсак, суу жээгинде коопсуз эс алуу маданиятын калыптандыруу, ошондой эле жарандардын өмүрүн жана ден соолугун сактоо максатында ведомстволор аралык жумушчу топ түзүлгөн. Бул туурасында ИИМ маалымат таратты.
Аталган түшүндүрүү иш-чараларга Кыргыз Республикасынын ИИМдин Коомдук коопсуздук кызматынан тышкары, дагы беш министрликтин кызматкерлери катышууда. Алар, Ысык-Көл облусу боюнча түшүндүрүү иш-чараларында
ИИМдин, Өзгөчө кырдаалдар министрлиги, Эмгек, социалдык камсыздоо жана миграция министрлиги жана Билим берүү министрлигинин өкүлдөрүнөн тартылган.
Кезектеги түшүндүрүү иш-чараларынын жүрүшүндө, жумушчу топ Чоң-Сары-Ой, Чоктал жана Чолпон-Атадагы айрым жээктердеги эс алуучуларды текшерди. Тактап айтканда, «Радуга», «Лазурный берег», «Дельфин», «Голубой Иссык-Куль», «Ала-Тоо» пансионаттарынын пляждары жана ИИМдин «Дзержинец» балдар лагери текшерилди.
«Ата-энелер өздөрү жаш муунга үлгү болушу керек.
Ал эми бул эрежелерди эстеп, кырсыктан сактануу керек: мас абалында жана тыюу салынган жерлерде сүзбөө, сүзө албаган эс алуучулар белден жогору сууга түшпөө керек экендигин, көпүрөлөрдөн жана пирстерден сууга секирбөө негизги эрежелердин бири»- деп, кайрылды ИИМдин КККнын бөлүм башчысы, Таалай Алижанов.
Мындай иш-чаралар калкты тартипке келтирет, аларды жүрүм-турум эрежелерин сактоого чакырат.
Ички иштер органдарынын кызматкерлери жаш балдары бар эс алуучуларга өзгөчө көңүл бурушуп, аларга өзгөчө көз салууну суранат.
Сүрөттөр ИИМдин Басма сөз кызматына таандык
