Бишкекте бир көчө эл сейилдеген гүл бакча болуп жасалат. Бул тууралуу мэриядан билдиришти.
Белгилүү болгондой, гүл бакча кылып жасоо үчүн узундугу 500 метрден ашкан Гастелло көчөсү (Медеровдон Абай көчөсүнө чейин) тандалып алынган.
«Келечектеги жөө жүргүнчүлөр зонасы курула турган жерде Биринчи май муниципалдык администрациясынын аппарат жетекчиси Медет Кубатбеков, Бишкек шаарынын башкы архитектору Урмат Карыбаев, Бишкек шаардык кеңешинин депутаты Шаршенбай уулу Руслан курулуш иштеринин деталдарын талкуулашты», — деп билдиришти мэриядан.
