Чүйдүн Аламүдүн районундагы Төмөнкү Ала-Арча айылында турак үй өрттөнүп кетти. Бул тууралуу ӨКМдин маалымат кызматы билдирди.
Маалыматка ылайык, 9-апрелде Чүй облусунун Аламүдүн районуна караштуу Төмөнкү-Ала-Арча айылынын Киргизия көчөсүндө жайгашкан турак үйдөн өрт чыккандыгы тууралуу маалымат түшкөн.
Тилсиз жоо менен күрөшүүгө саат 18:33тө Свердлов райондук №2 өрткө каршы бөлүктөн 1, буга кошумча саат 18:48де Свердлов райондук №3 ӨКБдан 1, жалпысынан 2 күжүрмөн эсеп тартылган.
Өрт кырсыгы саат 19:11де чектелип, саат 20:38де толук өчүрүлдү. Тилсиз жоо кучагына алган жалпы аянт – 150 чарчы метрди түздү. Аталган кырсыктан жабыркагандар жок. Учурда өрттүн себеби такталууда.
![340331718 978958756807008 8877732601357396921 n Төмөнкү Ала-Арча айылында турак үй өрттөнүп кетти](https://bulak.kg/wp-content/uploads/2023/04/340331718_978958756807008_8877732601357396921_n.jpg)