Баткендеги «Айгүл-Тоо» жаратылыш аймагына кирүүгө убактылуу тыюу салынды. Бул тууралуу Баткен токой чарбасынан кабарлашты.
1-апрелден тарта 2026-жылдын 1-апрелине чейин сейрек кездешүүчү Айгүл гүлүн сактап калуу жана көбөйтүү максатында жарандарга «Айгүл-Тоо» коругуна кирүүгө тыюу салынды.
Айгүл гүлү Баткен шаарынан 17 чакырым алыстыкта жайгашкан Айгүл Таш тоосунун боорунда өсөт. Ал жыл сайын апрель айынын баштарында алгачкы гүлдөрүн ачат. 20-апрелден тарта Айгүл гүлүнүн баары гүл ача баштайт. Анын гүлдөшү апрель айынын аягына чейин созулат.
