Кийинки жылы «Альфа Телеком» (MegaCom соода маркасы) ЖАКты сатуу пландалууда. Бул тууралуу Жогорку Кеңештин комитетинин жыйынында Мамлекеттик мүлктү башкаруу фондунун башчысы Мирлан Бакиров билдирди.
Анын айтымында, буга чейин компания 19 млрд сомго бааланган, азыр болжол менен 14-15 млрд сомго бааланышы мүмкүн. «Бул акыркы баасы эмес, баалоо компаниялары аныктайт», — деди ал.
Ошондой эле Бакиров «Керемет банктагы», «Кепилдик фондундагы» жана «Сарамжал Транс» ЖЧК жана башкалардагы мамлекеттин үлүшүн сатуу пландалып жатканын кошумчалады.
«Министрлер кабинети мамлекеттин үлүшүн сатуу пландалып жаткан 30 компаниянын тизмесин бекитти», — деди ал.
Буга чейин мамлекет башчы Садыр Жапаров аталган компания сатылбайт деген пикирин билдирип келген.
