Крым көпүрөсүндө жарылуу болуп, андан кийин ал жерде өрт чыкты, деп жазат Kerch.fm.
Алдын ала маалыматтар боюнча, күйүүчү май куюлган цистерна күйүп кетти, деп билдирди Крымдын башчысынын маалымат саясаты боюнча кеңешчиси Олег Крючков телеграмм каналында.
Радиостанция жүк ташуучу поезд өрттөнүп жатканын тастыктайт.
«Навигациялык аркалар жабыркаган эмес. Себептери жана кесепеттери тууралуу айтуу али эрте. Өрттү өчүрүү иштери жүрүп жатат», — деп жазган Крючков.
Жол башкармалыгы көпүрөдө кыймыл токтотулганын, ал жерде жол кызматтары жана Өзгөчө кырдаалдар министрлиги иштеп жатканын билдирди. Kerch.fm агенттиги өрттөн чыккан түтүн кысык тарапка кетип жатканын, бирок акваторияда кемелер жок экенин белгилейт.
