Бүгүн, 5-октябрда Нурланбек Шакиев Жогорку Кеңешке төрага болуп шайланды. Төрагалыкка жалгыз талапкер катары көрсөтүлгөн Шакиевге 80 депутат «макул» 6 депутат «каршы» добуш берди.
Нурланбек Шакиев 1977-жылы 13-майда Жалал-Абад облусунун Аксы районундагы Кара-Жыгач айылында туулган.
Билими:
1999-жылы Кыргыз агрардык академиясынын экономика жана агробизнес факультетин менеджмент адистиги боюнча бүтүргөн.
Эмгек жолу:
1996-1997 — «Обон» гезитинин башкы редакторунун орун басары, башкы редактору;
1997-1999 — «Учкун» гезитинин башкы редактору;
1999-2004 — «Эркин-Тоо» гезитинин башкы редакторунун биринчи орун басары;
2004-жылы транспорт жана коммуникациялар министринин маалымат катчысы;
2005-2006 — «Эркин-Тоо» гезитинин башкы редактору;
2006-2009 — президент Курманбек Бакиевдин маалымат катчысы;
2009-2010 — Кыргыз Республикасынын президентинин кеңешчиси;
2009-2010 — «ЭлТР – Коомдук телевидениесинин» гендиректору;
2010-жылы Жогорку Кеңештин V чакырылышына «Бүтүн Кыргызстан» партиясынан №13 катарда шайлоого катышкан;
2010-жылы декабрь айында маданият жана маалымат министри болуп дайындалган.
2015-жылы «Республика— Ата-Журт» партиясынын шайлоо штабында жетекчи болгон.
2017-жылы NTV телеканалын негиздеп, жетектеген;
2021-жылы Жогорку Кеңештин VII чакырылышына № 17 Аксы шайлоо округунан катышкан.
