Бул тууралуу ИИМдин басма сөз кызматы билдирди.
Маалыматка караганда, ИИМдин БМЖКККнын Ысык-Көл жана Нарын облустары боюнча башкармалыгына К аттуу жаран эки облуста баңгизаттарды сатуу менен алектенип жүрөт деген маалымат түшкөн.
Тергөө амалдарын жүргүзүү учурунда Ысык-Көл районунун Булан-Соготту айылында Нарын облусунун Чаек районунун Жаңы-Арык айылынын 1978-жылы туулган К.К. аттуу тургуну башкарып бара жаткан «Мазда-323» унаасы токтотулуп, багажынан төрт баштык баңгизат табылган.
Соттук-химиялык экспертизанын кортундусуна ылайык, алынган заттын салмагы 20 кг 218 гр. түзгөн “марихуана” баңгизат каражаты болгон.
Учурда бул ишке тиешеси бар адамдарды аныктоо боюнча мындан аркы тергөө иш-чаралары жүрүп жатат.
