Россиянын Nordwind Airlines авиакомпаниясы 2022-жылдын сентябрында Ысык-Көлгө чартердик каттамдарды ачкан. Бул тууралуу «Манас» эл аралык аэропортунун басма сөз кызматынан кабарлашты.
Билдирүүдө айтылгандай, учурда Москва-Тамчы-Москва багыты боюнча аба каттамдар күн сайын, башкача айтканда, жумасына 7 жолу аткарылууда.
«Айтылган авиакомпаниянын учактары Тамчыга Санкт-Петербург шаарынан да каттап жатышат. Санкт-Петербург-Тамчы-Санкт-Петербург багыты боюнча чартердик каттам жумасына бир жолу (жума күндөрү) аткарылып келүүдө», — деп айтылат маалыматта.
