Кыргызстанда бир жумада, 22-28-августта, Covid-19дун жаңы 179 учуру катталды. Бул тууралуу Саламаттыкты сактоо министрлигинин Оорулардын алдын алуу жана мамлекеттик санитардык-эпидемиологиялык көзөмөлдөө департаменти билдирди.
Маалыматка караганда, катталган учурлардын ичинен 26 бейтап ооруканага жаткырылган, 153 адам амбулатордук дарыланууда.
Тобокелдиктерди баалоо матрицасына ылайык, бардык облустар жашыл зонада турат. Акыркы жумадагы натыйжалуу репродуктивдик сан 1ден аз, бул оорунун азаюусун билдирет.
Жыл башынан бери жалпысынан COVID-19дун 20 968 учуру катталган, анын ичинде 18967 (90,5 %) учур лабораториялык түрдө жана 2001и (9,6%) клиникалык-эпидемиологиялык негизде тастыкталган.
