Ош облусунун Ноокат районунда өспүрүм кызды зордуктоого шектүү жаран кармалды. Бул тууралуу маалыматты облустук милициядан тастыкташты.
Маалыматка караганда, 16-августта Ноокат районунда ооруканалардын биринде 2006-жылы туулган кыз көз жаргандыгы тууралуу маалымат райондук ички иштер бөлүмүнө түшкөн. Мындан улам милиция иликтөө иштерин жүргүзүүнү баштаган. Териштирүү иштеринен кийин зордуктоого шектүү делип, жергиликтүү тургун кармалган.
«Аталган факты милицияга катталган. Окуяны Ноокат РИИБдин тергөөчүсү тергеп жатат. Иш прокуратуранын көзөмөлүндө. Шектүү милиция бөлүмүнө жеткирилип, сурак берип жатат»,— деп билдиришти милициядан.
