Украинада Орусиянын жарандыгын алган теги кыргызстандык 26 жаштагы Рустам Зарифулин каза тапты. Бул тууралуу «Азаттык» жазды.
Маалыматка ылайык, маркумдун сөөгүн алып келген учак бүгүн, 26-мартта Канттагы Орусиянын аба базасына түнкү саат 3тө конгон.
«Маркум Кара-Балта шаарында туулуп-өскөн. Мектепти бүтүргөндөн кийин Орусиянын жарандыгын алып, аталган өлкөнүн армиясында келишимдик негизде кызмат кылып жүргөн. Анын ата-энеси жана бир туугандары Кара-Балта шаарында жашайт»,-деп жазылат маалыматта.
Зарифулиндин сөөгү 27-мартта Кара-Балтада жерге берилет.
