Бул тууралуу Нарын облусунун ички иштер башкармалыгынын басма сөз кызматынан билдиришти.
Маалыматта айтылгандай, Жумгал РИИБнүн башчысынын орун басары Р.Ж. билдирме менен кайрылып, анда Жумгал районунун тургуну 1967-жылы туулган С.Т. узак мезгилден бери өзүнүн кызы 2008-жылы туулган Т.Рны мажбурлап жыныстык катнашта болуп жүргөндүгү боюнча маалымат алынып, аны толук кандуу текшерип, мыйзам чегинде чечим кабыл алууну сураган.
Аталган факт үстүбуздөгү жылдын 21-сентябрында Жумгал РИИБнүн электрондук каттоосуна алынып, текшерүүнүн жүрүшүндө С.Т 2010-жылы 1967-жылы туулган өзүнүн аялы Ш.Эни өлтүргөндүгү боюнча сот жообуна тартылып, 2018-жылы жазасын өтөп чыкканы маалым болгон.
«Сотко чейинки өндүрүш ишинин алкагында шектүү С.Т.суракка алынып, көрсөтмөгө ылайык, ал кызы менен 2021-жылдын июль айында 1 жолу жыныстык катнашта болгондугун, буга чейин сексуалдык мүнөздөгү ыплас аракеттерин жасагандыгын айткан. Ал эми, өспүрүм Т.Р. 2 жылдан бери жыныстык катнашта болуп келгенин билдирген.
Азыркы учурда шектүү Жумгал райондук сотунун токтому менен эки айга, тактап айтканда 21-ноябрга чейин камакка алуу чечими чыккан», — деп айтылат маалыматта.
Бүгүнкү күндө тергөө иштери уланууда.
