Чүйдө айдоочу рулду башкара албай Чоң Чүй каналына түшүп кетти. Бул тууралуу ӨКМнын басма сөз кызматынан билдиришти.
Маалыматка ылайык, 31-октябрь күнү саат 23:50дө куткаруу кызматына Ысык-Ата районуна караштуу Люксембург айылында Чоң Чүй каналына Фольксваген пассат үлгүсүндөгү жеңил унаанын айдоочусу рулду башкара албай калып сууга түшүп кетти деген билдирүү келип түшкөн.
Куткаруучулар унааны суудан чыгарышкан. Унаада эки адам болгон, алар жабыркаган эмес.
