Жыл сайын белгиленген 7-апрель Элдик революциясы күнү иш күнү болот. Бул тууралуу Эмгек, социалдык коргоо жана миграция министрлиги билдирди.
Мекеме жаңы Эмгек кодексине ылайык, 7-апрель майрам, бирок иш күнү экенин эскертти.
Белгилей кетсек, январь айында президент жаңы Эмгек кодексине кол койгон. Ага ылайык, Жаңы жылдык майрамдардан тышкары кыргызстандыктар май айында 1нен 9на чейин расмий эс алат.
Бирок быйыл 10 жана 11-май ишемби жана жекшембиге туура келгендиктен, эс алуу дагы эки күнгө узартылат. Жарандар 12-майда жумушка чыгышы керек.
