Грек-рим күрөшү боюнча кыргызстандык балбандар Сербияда өткөн Ljubomir Ivanovic Gedza Memorial мелдешинде 6 медаль утту. Бул тууралуу Дене тарбия жана спорт департаментинен билдиришти.
Мелдеш Младеновац шаарында 5-августта болуп өткөн. Бул турнирде Акжол Махмудов (77 кг), Жоламан Шаршенбеков (60 кг) жана Раззак Бейшекеев (67 кг) алтын медаль тагынды.
Ал эми Бексултан Махмудов (97 кг) күмүш, Үзүр Жусупбеков (97 кг) менен Амантур Исмаилов (67 кг) коло байге утту.
Эскерте кетсек, аталган мелдешке Кыргызстандын атынан 8 спортчу катышкан.
