Жай мезгили болгон соң, күндүн ысык аптаптуу күндөрүндө жарандар суу жээктерине эс алууга чыгууда.
Талас РИИБдин кызматкерлери жана Өзгөчө кырдаалдар министрлигинин кызматкерлери менен биргеликте суу кырсыгын алдын алуу боюнча рейддик иш-чарасы болуп өттү. Бул маалыматты Талас ОИИБдин басма сөз кызматынан билдиришти.
Рейддин жүрүшүндө Талас районунун Долоно, Көк-Ой жана Кырк-Казык айыл аймактарында орун алган ири суу каналдар жана көлмөлөр текшерилип, жарандарга жана ата-энелерге балдарын кароосуз калтырбоого чакырды.
“Ошондой эле сууга түшүү боюнча нускамалар берилип, кооптуу агын суу жээктерине барбаш керек экенин эскертишти. Суу кырсыгын болтурбоо максатында областтын бардык ички иштер бөлүмдөрүндө жана аймактарда түшүндүрүү иштери уланууда. Кооптуу жерлерге табличкалар илинип, өтө кооптуу жерлерге баруучу жолдор өзгөчө кырдаалдар министрлиги тарабынан жабылган“, – деп билдиришти облустук милициядан.
