Бишкектен кыз ала качты делген жигиттин унаасы токтотулуп, айып аянтчасына киргизилди. Бул тууралуу Чүй облустук милициясынын Жол кыймылынын коопсуздугун камсыздоо башкармалыгынан билдиришти.
Маалым болгондой, 1-май күнү саат 00:03 чамаларында Бишкек шаарынан 25 жаштагы Н.уулу А. «Мерседес Бенц» үлгүсүндөгү унаасы менен 23 жаштагы К.А. аттуу кызды ала качып кеткен деген маалымат түшкөн.
«Саат 00:20 чамаларында Ысык-Ата райондук милициясынын жол кыймылынын коопсуздугун камсыздоо бөлүмүнүн кызматкерлери “Мерседес Бенц” үлгүсүндөгү унааны токтотуп, Бишкек шаарынын Ленинин райондук милициясынын тергөө кызматына өткөрүп берген»,-деп жазылат маалыматта.
Териштирүү иштери уланууда.
