Бишкектин Биринчи Май райондук сотунда Свердлов районунун акиминин мурдагы орун басары Руслан Бекназаровго козголгон кылмыш иши каралып жатат.
Отурумдун жүрүшүндө мамлекеттик айыптоочу Бекназаровду КР Кылмыш-жаза кодексинин «Экстремисттик материалдарды даярдоо, таратуу» жана «Террористтик аракеттерге ачык чакыруу» беренелери боюнча күнөөлүү деп таанууну суранды.
Бир берене боюнча прокурор айыпталуучуну үч жылга эркинен ажыратууну суранды. Дагы бир айып боюнча эскирүү мөөнөтү өтүп кеткендигине байланыштуу жазадан бошотуу керектиги белгиленди.
Эске салсак, 2022-жылдын 14-сентябрында Бекназаров экстремисттик материалдарды тараткан деп шек саналып, Бишкек шаардык ички иштер башкармалыгынын убактылуу кармоочу жайына киргизилген. Ага карата Кылмыш-жаза кодексинин “Экстремисттик материалдарды даярдоо, таратуу” беренеси менен иш козголгон.
Ал эми, 2-ноябрда ал үй камагына чыгарылган.
