Кыргызстандык куткаруучулар кыйрап калган 12 кабаттуу үйдүн эң астынкы кабатынан дагы бир жаранды тирүү алып чыгышты. Бул тууралуу ӨКМ видеосун жайгаштырды.
Эскерте кетсек, 6-февралда таңга жуук Түркия жана Сириянын аймагында очогунда 7,8 баллга жеткен катуу жер титирөө катталып, бир нече шаар кыйраган. Кийин жер титирөө дагы кайталанып, анын күчү очогунда 7,6 баллга жеткен. Азыркы учурда каза болгондор 24 миң 617 адамга жетип, жабыркагандар 80 миңден ашканы маалымдалды.
