Бишкекте Садыр Жапаровдун катышуусунда салтка айланган “Мурас” достук турнири башталды. Турнир 14-15-декабрда болот. Кыргыз футбол бирикмесинен билдиришкендей, “Газпром балдарга” спорт комплексинде жана Каба уулу Кожомкул атындагы спорт ордосунда өтүүчү спорттук иш-чарага 16 команда катышат.
Турнирдин максаты – сергек жашоо образын жайылтуу, өлкөдө футзалды популяризациялоо жана коомдун түрдүү катмарынын өкүлдөрүнүн ортосунда достук жана расмий эмес мамилелерди өнүктүрүү.
Оюндар КТРК спорт жана ЭЛТР телеканалдарынан түз алып көрсөтүлөт. Эске салсак, иш-чара Кыргыз футболдук союзунун жана КР президентинин администрациясынын демилгеси менен уюштурулган.
