Баткен облусунда Тажикстандан Кыргызстанга мыйзамсыз лимон ташып келе жаткан жаран кармалды. Бул тууралуу Чек ара кызматынан билдиришти.
Маалыматка караганда, 9-декабрда Лейлек районунда чек арачылар Кыргызстандын 37 жаштагы С.С. аттуу жараны башкарып келе жаткан Mercedes-Benz Sprinter унаасын токтоткон. Унааны текшерүү учурунда 2,5 тонна лимон табылган.
Мыйзамсыз ташылып келе жаткан жүктүн баасы 300 миң сомдон ашат.
Кийинки териштирүү үчүн кармалган жаран менен жүк тиешелүү органдарга өткөрүлүп берилген.
