Кыргызстанга октябрдын аягында абадан коргонуучу зениттик-ракеталык комплекс алып келинет. Бул тууралуу “Кабар” агенттигиндеги маалымат жыйынында Кыргызстандын коргоо министри Бактыбек Бекболотов билдирди.
Анын айтымында, аталган ракеталык комплекс Баткенге коюлуп, чек араны коргойт.
«Мурунку жылдан бери биз БелТехЭкспорт менен сүйлөшүү жүргүзүп келгенбиз. Ушул жылы Минскке барып, «Печора-2БМ» зениттик-ракеталык комплексин көрүп келдим. Ал С-125 «Печоранын» модернизацияланган түрү, жаңыланган. Абадан коргонуучу ракеталар жакын арада өлкөбүзгө келип түшөт», — дейт ал.
«БелТехЭкспорт» — Беларусь Республикасынын аскердик коопсуздук тармагындагы долбоорлорду ишке ашыруу, аскердик продукцияны импорттоо жана экспорттоо, ошондой эле аскердик багыттагы кызмат көрсөтүүлөр менен алектенген компания
