Кыргызстанда пенсиялык куракты көтөрүү пландалган жок. Бул тууралуу бүгүн, 17-октябрда маалымат жыйында Социалдык фонддун төрагасынын орун басары Улан Жума уулу билдирди.
Ал журналисттердин «өлкөдө пенсиялык куракты көтөрүү пландалган жокпу?» деген суроосуна жооп берип жатып: «жакынкы жылдары Кыргызстанда пенсиялык куракты көтөрүү пландалган жок», – деди.
Кыргызстанда пенсиялык курак аялдар үчүн 58, эркектер үчүн 63 жаш болуп эсептелинет.
Эскерте кетсек, мындан бир нече ай мурда өкмөт пенсиялык куракты көтөрүү демилгеси менен чыгып, бирок коомчулуктун нааразычылыгынан кийин ал оюнан баш тарткан.