Максим Бакиевдин жакын досторунун жана бизнес өнөктөштөрүнүн бири Алексей Ширшов эс алуудан кайтып келгенин Полит Ломбард телеграм каналы жазды. Маалыматтарга караганда ал учуп келген учак 8-октябрда саат 21:00дөр чамасында “Манас” аэропортуна конгон.
Анын саякаты Улан-Батордо башталып, Черногорияда улантылган соң Бишкекке кайтып келген.
Буга чейин Ширшов АКШга дээрлик жаңы жеке Bombardier (N702LK) менен бир нече сапар жасаган, ал азыр анын менчиги болуп саналат. Мүмкүн ал ошол жерде, Максим Бакиевдин дагы бир жакын адамы Женя Гуревич менен эс алып жүргөн болушу мүмкүн деп жазат канал. Ал бир кезде “Мегакомду” башкарып турган, азыр Ширшовдун кишиси – Имановдун карамагында.
Аталган телеграм каналдын айтымында эс алуудан энергия топтоп, достору менен тажрыйба алмашып келген Ширшов эми өлкөгө келип, казино бизнесин колго албайбы деген суроону коет.
