Бүгүн, 22- августта Бишкек шаардык сотунда активист Адилет Али Мыктыбектин баш коргоо чарасын кароо боюнча соттук отурум өттү.
Шаардык сот Биринчи май райондук сотунун активистти 29-августка чейин камакка алуу чечимин өзгөртүүсүз калтырды.
Эске салсак, Адилет Али Мыктыбек 30-июнда милицияга суракка чакырылып, эртеси күнү Биринчи Май райондук сотунун чечими менен бир айга камакка алынган. Райондук милиция ал Кылмыш-жаза кодексинин 278-беренеси (“Жапырт башаламандык”) боюнча козголгон кылмыш ишинин алкагында кармалганын билдирген.