Министрлер кабинетинин төрагасынын мурдагы орун басары Жылдыз Бакашова жаңы кызматка барды. Маалыматты Маданият, маалымат, спорт жана жаштар саясаты министрлигинин маалымат кызматы тастыктады.
Мекеменин маалыматына ылайык, Жылдыз Бакашова тарых музейинин жетекчисинин милдетин убактылуу аткаруучу болуп дайындалды. Учурда ал ишке киришип, милдетин аткарып жатат.
Белгилей кетсек, 62 жаштагы Жылдыз Бакашова буга чейин Министрлер кабинетинин төрагасынын орун басары болуп иштеген. Ага чейин 15 жылга жакын Алыкул Осмонов атындагы Улуттук китепканада директор болгон.
