Аталган макулдашуу Екатеринбургда өткөн Россия-Кыргыз аймак аралык IX конференциясында жетишилгени белгиленди.
Документке экономика жана коммерция министри Данияр Амангелдиев менен Росрыболовство агенттигинин жетекчиси Илья Шестаков кол койгон.
«Бул Россия менен Кыргызстандын достук мамилесин чыңдоо жана балык чарбасы тармагында кызматташтыкты өнүктүрүү келишими болуп калат. Ошондой эле эки мамлекеттин тең элинин балык жана балык продукцияларына керектөөсүн толугу менен камсыздоого, жагымдуу шарттарды түзүүгө, ошондой эле балык чарбасы жаатында өз ара иштешүүнүн укуктук негиздерин жөнгө салууга багытталган», — деген Шестаков.
Документке ылайык, эки өлкө балык чарбасы боюнча төмөнкү негизги багыттарда кызматташтыкты өркүндөтөт:
эки тараптуу кызыкчылыктарга дал келген документтер жана маалыматтар менен алмашуу;
илимий-техникалык кызматташуу;
адистерди даярдоо жана квалификациясын жогорулатуу, тажрыйба алмашуу үчүн жөнөтүү;
аквакультураны өнүктүрүү;
Балыкчылык, аквакультура, кайра иштетүү, сактоо, жеткирүү, суу-биологиялык ресурстарынан балык жана башка продукцияларды чыгаруу жаатында биргелешкен долбоорлорду иштеп чыгуу жана жүзөгө ашыруу.
Макулдашууну ишке ашыруу үчүн эки тараптан куралган комиссия түзүлөт. Конференцияга Кыргызстандын бардык облус шаарлардан өкүлдөр катышкан.
