Нарын облусунун тургундары талкаланган жолдорго Акылбек Жапаровдун ысымын ыйгарууну сунушташууда. Бул тууралуу бүгүн, 14-апрелде Жогорку Кеңештин жыйынында депутат Мирлан Самойкожо билдирди.
«Жумгал — Ак-Талаа жолдору качан оңдолот? Эл азыр мындай демилге көтөрүп жатат, «ушу Жумгал-Ак-Талаанын жыртылган, тамтыгы чыккан жолго Жапаровдун атын ыйгаралы деп… Анын аты татыктуу болот.
Мурда жаңы жолдорго аттар ыйгарылса, азыр тамтыгы чыккан, тешилген жолдорго Акылбек Жапаровдун атын ыйгаруу маселеси көтөрүлүшү керек. Бул элдин демилгеси бул», — деди ал.
