Россияда “Профит Сервис Центр” ЖЧКсы Кыргызстандын 21 жаранынын эмгек акысын төлөбөй жүргөн.
КРнын РФдагы элчилигинин басма сөз кызматынан кабарлашкандай, 2021-жылдын 13-октябрында Кыргызстандын Россиядагы элчилигинин КР жарандарынын эмгек укуктарын жана кызыкчылыктарын коргоо боюнча иш-чарасынын алкагында Кыргызстандын 21 жаранынан эмгек акысы төлөнбөй жаткандыгы тууралуу арыз келип түшкөн.
“Бул маселе боюнча консулдук бөлүмдүн кызматкеринин “Профит Сервис Центр” ЖЧКсынын өкүлү менен жолугушуусу уюштурулуп, жыйынтыгында бардык жарандарга 2 миллион 520 миң рубль өлчөмүндө эмгек акылары төлөнүп берилди”, – деп айтылат маалыматта.
