Өзгөчө кырдаалдар министрлигинин басма сөз кызматы Ысык-Көлдө 6-январда “Париж” пансионатындагы коттеджден өрт чыкканын кабарлаган.
Министр Бейшеналиев “Новые лицага” берген маегинде “Париж” пансионаты анын уулуна таандык экенин билдирген.
Factcheck.kg министр Бейшеналиевдин жубайы Замира Кульматованын бизнесин аныктап чыкканда белгилүү болгондой, ал Чок-Тал айылында жайгашкан “Париж КО” ЖЧКсын негиздеген. Анда 75 коттедж, 88 батир, 10 ысык булак жана 2 пляж, жалпы жонунан 15 гектар жерди ээлейт.
