Талас районунда жол кырсыгынан 2 өспүрүм каза болду. Бул тууралуу Өзгөчө кырдаалдар министрлигинин маалымат кызматы кабарлады.
Маалыматка ылайык, 17-декабрь күнү Суусамыр-Талас-Тараз унаа жолунда (Чат-Базар айылы) Mercedes Benz үлгүсүндөгү жеңил унаанын айдоочусу рулга ээ боло албай жол четиндеги тосмону сүзгөн.
Кырсыктын кесепетинен 2007-жылы туулган эки өспүрүм жабыркаган. Куткаруучулар кыпчылып калган жаранды чыгарып, «Тез жардам» кызматына өткөрүп беришкен.
Жабыркагандар ооруканага жетпей каза болгон.
