Белгилүү орусиялык ММА мушкери Магомед Исмаиловдун бир тууган агасы, жеңеси жана иниси жол кырсыгынан каза болду. Бул тууралуу мушкер өзү социалдык тармактагы баракчасына жазды.
«Байкем аялы жана уулу менен жол кырсыгынан каза болду. Аларды күтүүсүз өлүм алып кетти. Өлүм периштеси бир мүнөт дагы эрте же кеч эмес, ал жазылган күнү так келет. Жүрөгүм сыздап жатат, бирок сабырдуу болуу жана аларга дуба кылуу менин колумдан келген эң жакшы нерсе», — деп жазды ал.
