Бишкекте Саламаттык сактоо министрлигинин алдындагы №115 “Наристе” балдар бакчасынын дагы бир жаңы филиалы ачылды. Бул тууралуу ведомствонун басма сөз кызматы билдирди.
![MyCollages 73 1 800x450 1 “Наристе” балдар бакчасынын дагы бир жаңы филиалы ачылды](https://bulak.kg/wp-content/uploads/2021/12/MyCollages-73-1-800x450-1.jpg)
Маалыматка ылайык, бала бакчанын ачылыш аземине саламаттык сактоо министри Алымкадыр Бейшеналиев, анын орун басарлары жана бала бакчанын жетекчилиги катышты.
Балдар бакчасы 250 орунга ылайыкташкан, анда төрт тайпа болот: даярдоочу, жогорку, орто жана кенже тайпалар.
“Балдар биздин келечегибиз. Биздин бүгүнкү аракетибиз алардын келечектеги пайдубалы. Биздин жаңы балдар бакчасы балдар үчүн экинчи үйү болуп калат деп ишенем”, — деди министр.
Эскерте кетсек, 3-декабрда Шакиров көчөсү, 4 дарегинде No115 «Наристе» бала бакча бакчасынын филиалы ачылган.
Ошондой эле “Наристе” балдар бакчасынын жаңы филиалы Саламаттыкты сактоо министрлигинин өкүлдөрү жана балдар бакчасынын жетекчилигинин колдоосу менен пайдаланууга берилди.