Алдыга озуган он партиянын тизмеси

Бүгүн, 28-ноябрь кечки саат 20:00дө Жогорку Кеңештин депутаттарын шайлоо аяктап, эртең менен саат 08:00дө ачылган шайлоо тилкелери жабылды. Жалпысынан 2494 шайлоо тилкеси ачылган. Алардын 59у чет өлкөлөрдө.

БШКнын саат 18:00гө карата маалыматы боюнча, добуш берүүгө 1 миллион 50 миң 163ү, же 28,36%ы катышты. Жалпысынан жарышка бир мандаттуу округдар боюнча 282 талапкер жана 21 партия катышты.

БШКнын расмий сайтына жарыяланган маалыматтар боюнча саат 20:30га карата 10 партия 5 пайыздык босого чектен өттү:

1. «Ата Журт Кыргызстан» — 28,97%;
2. «Ишеним» — 24,04%;
3. «Ынтымак» — 20,64%;
4. «Альянс» — 14,44%;
5. «Бүтүн Кыргызстан» — 11,13%;
6. «Ыйман Нуру» — 10,17%;
7. «Эл үмүтү» — 8,89%;
8. «Азаттык» — 7,89%;
9. «Ата Мекен» — 6,43%;
10. «Социал-демократтар» — 6,31%.