Мамлекеттик чек ара кызматы кыргыз-тажик чек арасында 4-ноябрда болгон окуя боюнча билдирүү таратты.
Маалыматка караганда, Баткен облусунун Лейлек районунда Арка-Борбордук транзиттик жолунун Бостон май куюучу жайынын каршысындагы тилкесде УКМКнын аскер кызматкери өзүнүн Хонда Аккорд үлгүсүндөгү унаасы менен бурулуш жасоого аракет кылган. Ал учурунда Тажикстандын беш аскери кыргызстандык жарандын унаасын таш менен урган.
Мындан тышкары алар Кыргызстандын аскер кызматкерин кармоого аракет кылышкан. Аскер кызматкери жабыркаган эмес, бирок анын унаасынын айнектери сынган.
Мамлекеттик чек ара кызматы бул факты боюнча териштирүү жүргүзүлөрүн билдирди. Кыргызстандын жана Тажикстандын чек ара өкүлдөрүнүн жолугушуусун өткөрүү пландалууда.
