Жол кыймылынын коопсуздугун камсыздаган кызматкерлер Сузак районундагы социалдык мекемеге жардам көрсөтүштү

Үстүбүздөгү жылдын 15-сентябрынан 15-октябрга чейинки аралыкта өткөрүлүп жаткан “Улгайган адамдарга көңүл буруу жана камкордук” аталыштагы акция өтүп жатат. Анын алкагында Жалал-Абад облустук ЖККК бөлүмүнүн аппарат кызматкерлери Сузак районундагы улгайган жана ден-соолугунун мүмкүнчүлүгү чектелген жарандардын социалдык мекемесине барып, аталган мекемеге күнүмдүк турмушта керектелүүчү тазалоочу каражаттарды жана башка оокаттарды тапшырып келишти. Жол кыймылынын коопсуздугун камсыздаган кызматкерлер менен бирге барган Жалал-Абад шаарындагы №2 К. Закиров атындагы орто мектебинин окуучуларынан турган жол кыймылынын жаш инспекторлору өздөрү даярдап келишкен чакан концерттик программасын тартуулап кайтышты.

Жалал-Абад ОИИБы боюнча ЖКККБнүн басма сөз кызматы

Бишкек шаарынын мэриясы №199 кичи автобус менен №2 троллейбустун айдоочуларынын ортосундагы чыр тууралуу төмөнкүлөрдү билдирди.

“Бишкек троллейбус башкармалыгында тиешелүү кызматтардын жетекчилеринин катышуусунда ички комиссия өткөрүлдү.

Комиссиянын чечимине ылайык, кыймылдуу курамдын эксплуатация башчысына жана борт номери 1704 троллейбусунун айдоочусу Максат Канатбек уулуна сыйлыктан ажыратылбастан сөгүш жарыяланды. Жол кыймылынын коопсуздугун камсыздоо бөлүмүнүн башчысы жана айдоочунун насаатчысы эскертүү алды.

“БайШамТранс” ЖЧКсы жүргүнчүлөрдү ташуучу компаниянын инженери жана №199 маршруттук каттамдын айдоочусу У.Медетбеков сөгүш алды.

Ошондой эле ташуучу компанияга жана троллейбус башкармалыгынын жооптуу кызматкерлерине айдоочулардын курамы менен жүргүнчүлөрдү маданий тейлөө жана транспорттук тартипти сактоо боюнча түшүндүрүү иштерин жүргүзүү тапшырылды”, – деп жазылат маалыматта.

Эске салсак, кечээ №199 кичи автобус менен №2 троллейбустун айдоочуларынын ортосундагы чыр чыкканы боюнча видео социалдык тармакта тараган.

ИИМ: RWGFD криминалистикалык лабораториялардын жабдыкталышынын мүмкүнчүлүтөрүн аныкташты

2021-жылдын 12-октябрында Бириккен улуттар уюмунун (БУУ) Кылмыштулук жана баңгизаттар башкармалыгынын соттук-медициналык экспертиза жана баңгизаттар боюнча аймактык жумушчу тобунун онлайн режиминде отуруму болуп өттү.
Аталган жумушчу топ, Кыргызстан, Казахстан, Афганистан, Иран, Пакистан, Өзбекстан, Түрмөнистан жана Таджикстан мүчө-мамлекеттер арасындагы баңгизаттар менен күрөшүү чөйрөсүндөгү ыйгарым укуктуу органдарынын соттук-медициналык экспертиза жүргүзүүчу кызматкерлердин квалификациясын жогорулатуу үчүн түзүлгөн.
Кыргыз Республикасынын Ички иштер министрлигинен отурумга Криминалистикалык борбордун начальниги милициянын полковниги Канат Иманалиев катышты.
Отурумдун катышуучулары кызматташтыктын артыкчылыктуу болгон багыттарын жана кылмыштуулук менен каршы күрөшүүдөгү кызматтарды өнүктүрүү, ошондой эле эл-аралык тажрыйбаны эске алуу менен соттук-медициналык ишмердүүлүктүн негиздеринин мыйзамдарын жакшыртууну талкуулашты.
Канат Иманалиев талкуулоо учурунда, “бүгүнкү күндө өз ара кызматташуунун өзөгү катары – эксперттик-криминалистик кызматтар арасында маалыматтык банктарды колдонуу менен маалымат менен алмашуу болуп саналат. Азыркы учурда эксперттердин колдонуусунда заманбап техникалык, инновациялык каражаттар бар. Бирок коомдун башкы эксперти катары чыгармачыл, өзүн-өзү өнүгүүсүнө умтулган адам гана болот” – деп белгиледи.
Жолугушуу кызматташтыктын деңгээлин жогорулатууга, эксперттик кызматтардын эң курч көйгөйлөрүн чечүүгө салым кошуп, кызматтык байланыштарды кеңейтүү жана активдештирүү үчүн зарыл болгон аянтчаны түздү.
Отурумдун аягында коюлган тапшырмаларды ишке ашыруу боюнча жыйынтыктары белгиленди.

КР ИИМдин Басма сөз кызматы

Депутат Дастан Бекешев Жогорку Кенештин жыйынында азыркы жаштар сыртка чыгып кеткилери келип жаткандыгын жана ага учурдагы бийликтегилер себеп болуп жаткандыгын айтты. “Саламаттык сактоо министри аконит ичкилеп жеп жатса, ал эми министрлер кабинетинде иштегендер кустуруп жаткандардын тойлоруна барып жатышат деп сындады.

Буга УКМКнын жетекчиси Камчыбек Ташиев Бекешев мындай сын-пикири менен алдыдагы шайлоолор алдында упай топтоп жаткандыгын билдирди.

«Бир жыл ичинде биз 7,5 млрд сом коррупциядан бюджетке алып келдик. Биз коррупционерлерди абакка отургуздук. Кимде-ким мыйзамды бузса, ал жазаланат. Кереке болсо, сиз да отурасыз. Эгер мен тойго барсам, мен ал адам менен достоштум дегенди билдирбейт”.

Сындаганды да билиш керек. Сизден мен эч кандай бир пайдалуу сын уга элекмин. Райым Матраимов менен бир столго да отура элекмин. Отурсам да ал жакшы. Ал башкаларга салыштырмалуу 2 млрд сом берди. Дагы мыйзам бузса, дагы берет», — деди Ташиев.

13-октябрда Жогорку Кеңештин жыйынында министрлер кабинетинин курамы каралып жатат. Анда депутат Абдывахап Нурбаев мугалимдердин айлыгын көтөрүү керектигин айтты.

“2022-жылы мугалимдердин айлыгын көбөйткөнгө мүмкүнчүлүк барбы? Улуттун сапаты билим берүү системасына байланыштуу. Билимдин сапаты мугалимдерге байланыштуу. Айлык аз болсо биз алардан талап кыла албайбыз. Мугалимдерге көңүл буруу керек”, – деди Абывахап Нурбаев.

Акылбек Жапаров: “Быйыл укук коргоо органдарынын айлыгын көтөрдүк. Кийинки жылы мугалим, дарыгерлердин айлыктарын биринчи жогорулатабыз. Кимге турмушка чыгасың деп сураса, мугалимге деп жооп бере тургандай кылабыз”, – деди.

Буга чейин Нурбаев Жапаровдун командасына сын айткан.