Баткенде жеке менчикке өтүп кеткен балдар аянтчасы мамлекетке кайтарылды. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Маалыматка ылайык, Жерди жана сууну көзөмөлдөө кызматы Кара-Бак айыл өкмөтү тарабынан муниципиалдык менчиктеги балдар ойноочу 0,15 га жер аянтын Баткен районундагы Кызыл-Бел айылынын жашоочусуна мыйзамсыз токтом менен жеке менчик турак жай куруу үчүн бергендигин аныктаган.
Текшерүүнүн жыйынтыгында мыйзамсыз берилип кеткен жер Кара-Бак айыл өкмөтүнүн муниципиалдык менчигине өткөрүлүп берилди.
