Шаардык милиция башкармалыгынын басма сөз кызматы билдиргендей, Россиянын жараны милицияга кайрылып, 29-январда шаар базарларынын биринде тааныш эмес адамдар физикалык күч колдонуп, аны Toyota Prius үлгүсүндөгү унаага отургузуп, $5,000 жана эки уюлдук телефонду уурдашканын билдирди.
Кыргыз Республикасынын Кылмыш кодексинин 208-беренесине ылайык “Опузалап, акча талап кылуу” боюнча кылмыш иши башталган.
Мындан тышкары, борбордун кафелеринин биринде 100 миң сом алган, шектүү адам кармалды. Ал мурда бир нече жолу айыпталган Т.Н., 1996-жылы төрөлгөн жаран болуп чыкты.
Аны тергөө изоляторуна алып кетишти.
Учурда бул адамдын дагы башка кылмыш иштерге тиешеси бары-жогу териштирилип жатат.
