2022-жылдын 20-августунда чет мамлекеттик жогорку аскер окуу жайларына тапшырган курсанттарды салтанаттуу аскердик антка келтирүү аземи болуп өттү. Бул тууралуу Коргоо министрлигинин маалыматтык камсыздоо кызматынан билдиришти.
Иш-чара Ата-Бейит мемориалдык комплексинде өтүп, ага Коргоо министрилигинин өкүлдөрү, курсанттардын ата-энелери жана жакындары катышты.
“Бул жылы чет мамлекеттик жогорку аскердик окуу жайларга 40дан ашык кыргыз жарандары өтүп, алар Россиянын, Азербайжан жана Казакстандын жогорку аскердик окуу жайларынан билим алышат”, – деп айтылат маалыматта.
Эске салсак, курсанттар буга чейин тереңдетилген медициналык текшерүүдөн, дене-тарбиялык даярдыгы боюнча нормативдерден, предметтик жана психологиялык тесттерден өтүшкөн.
