Бишкек шаарындага «Веранда» кафесинин кызматкерлери тарабынан Бириккен Араб Эмираттарынын Абу-Даби шаарынан келген туристтерге орой мамиле жасалгандыгын Маданият, маалымат, спорт жана жаштар саясаты, министрлигине караштуу Туризм департаменти тынчсыздануу менен кабыл алып, тийиштүү иш-чаралар көрүлүп жаткандыгын маалымдады.
Маалыматка ылайык Маданият, маалымат, спорт жана жаштар саясаты министринин орун басары, Туризм департаментинин директору С.Б. Шатманов эки тарап менен жолугушкан.
Ал өз сөзүндө туристтерге колдоо көрсөтүлө тургандыгын белгилеп, кызмат көрсөтүүчүлөрдү туристтерге аяр мамиле жасоого чакырды.
