Кара-Суу районунда 27 жаштагы жигит үйүнөн чыгып кеткен боюнча дайынсыз болууда. ИИМ кызматкерлери анын Ак-Буура-Араван каналынын жээгинде унаасы жана кийимдерин табышканын ӨКМдин маалымат бөлүмү билдирди.
Маалыматка ылайык, 28-июнь күнү Төлөйкөн айылында 1995-жылы туулган А.уулу Б. аттуу эркек киши үйүнөн чыгып дайынсыз болгондугуна байланыштуу ИИМдин кызматкерлери издөө иш-чараларын жүргүзүшүп, натыйжада Ак-Буура-Араван каналынын жээгинде унаасы жана кийимдери табышкан.
30-июнь күнү издөө иштерин жүргүзүүгө Кара-Суу райондук №102 ӨКБдан 18 куткаруучу, ИИМден 5 кызматкер, жергиликтүү тургундардан 10 адам тартылып, саат 18:00дө издөө иштери убактылуу токтотулду. Бүгүн, 1-июль күнү издөө улантылууда.