Эртең, 9-июнда Бишкектин айрым райондорунда муздак суу болбойт. Бул тууралуу мэриянын басма сөз кызматы билдирди.
Маалыматка караганда, өчүрүүгө «Баха» суу түтүгүн оңдоо жана калыбына келтирүү иштери себеп болууда.
Саат 9:00дөн 23:00гө чейин Тыналиев, Масалиев, Садырбаев көчөлөрү менен чектешкен Абдрахмановдон баштап Арча-Бешик конушунун батыш чек арасына чейин, Айни, Осмонов, Циолковский, Муромск, Гагарин, Псковская — Тыналиев, аймактарында муздак суу болбойт. ошондой эле «Сары-Өзөн», «Салкын-Төр», «Төмөнкү Орок», «Ала-Арча», «Арча-Бешик», «Плодовое», «Калтар», «105-райондор» конуштарында суу токтотулат.
Мэрия келтирилген ыңгайсыздыктар үчүн кечирим сурайт жана калктан, мекемелерден ичүүчү сууну өз убагында камдап алууну эскертет.
