Баткен районунун Ак-Сай айылынын тоолорунда жааган жаандын кесепетинен Миң-Булак-Чорго-Ак-Сай жолунда сел жүрүп, жол каттамы үзгүлтүккө учураган. Бул тууралуу Өзгөчө кырдаалдар министрлиги кабарлады.
Маалыматка ылайык, Кадамжай районунун Бирлик айыл өкмөтүнүн Бел айылында дагы жааган жаандан сай ичиндеги 2 чакырымга жакын ички чарбалык жол жана сай жээгиндеги 9 участкага сел суулары кирген.
Бактыга жараша адам өмүрүнө жана мал жандыктарына зыян келген эмес.
