Баткенде 18 жаштагы 11-класстын окуучусу өзү жашаган короодо асынып алды. Маалыматты Баткен облустук ички иштер башкармалыгынан тастыкташты.
Маалыматка ылайык, окуя 27-майда таңкы саат 05:30 чамасында болгон. Кыздын жансыз денесин апасы тапкан.
Алдын ала маалымат боюнча, окуучу кыздын үйүндө же мектепте көйгөй болгон эмес. Аталган факт милицияга каттоого алынып, окуянын чоо-жайы иликтенүүдө. Ата-энеси сөөктү соттук-медициналык экспертизадан өткөрүүдөн баш тартышкан.
