Ысык-Көл облусунун Ак-Суу районунда 6 жаштагы кыз каза болду. Маалыматты Саламаттык сактоо министрлигинин маалымат кызматы тастыктады.
Маалыматка караганда, 22-май күнү Ак-Суу райондук ооруканасына 6 жаштагы кызды ата-энеси алып келген. Бирок кыз ооруканага жеткенге чейин эле каза болгону такталган.
«Аталган факты боюнча милицияга кабар берилген. Ал эми кыздын сөөгү Каракол шаардык өлүкканасына жөнөтүлгөн. Ата-энеси соттук-медициналык экспертиза жүргүзүүдөн баш тартышкан», — деп маалымат айтылат маалыматта.
Кыздын атасынын көрсөтмөсүнө караганда, 21-майда кыздын ичи ооруп, кечке маал өзүн жакшы сезип калган. Бирок эртеси кыздын абалы кайра начарлаган.
